Икенең берен сайла Mezek - Татарча юмор | Татарский юмор

Оценка акций

Икенең берен сайла

Бер мужик тәмәке киоскында утыручы сатучыга мөрәҗәгать итә:
– Сез тәмәкене данәләп сатасызмы?
– Юк.
Икенче көнне шул ук мужик:
– Сез тәмәкене данәләп сатасызмы?
– Кичә әйттем бит инде: юк!
Бу хәл өченче көнне дә, дүртенче көнне дә кабатлана.
Бишенче көнне түзәр әмәле калмаган сатучы:
– Әйе, без тәмәкене данәләп тә сатабыз!
– Алайса миңа 20 данә бирегез әле. * * * – Бэрримор, минем ботинкам эчендә нәрсә лычкылдый ул?
– Солы боткасы, сэр.
– Ә ул анда нишли?
– Лычкылдый, сэр. * * * Ике пенсионер очраша. Бераз тегесен-монысын сөйләшеп торгач берсе сорый:
– Хатының ни эшләр бетереп ята?
Аннан мәрхүмәнең моннан бер ай элек үлгәнен исенә төшереп өстәп куя:
– Һаман да шул зираттамы дип әйтүем.* * * Ике карт хатын сөйләшә:
– Бибинур, син иреңнең ялганлаганын каян беләсең: йөзеннәнме, сүзләреннәнме, күзләреннәнме дигәндәй.
– Һи-и! Моннан да җиңел эш юк: әгәр минем ирем авызын ачкан икән –димәк, ялганлый башлады дигән сүз.* * * Яшертен алкоголиклар җәмгыяте бинасына мүкәләп бер ир килеп керә. Җәмгыять хезмәткәре аңа сорау бирә:
– Сез безнең җәмгыятькә язылырга дип килдегезме?
– Юк, сызылырга дип!* * * Хатыны ирен игәүли:
– Тагын дуңгыз булып кайткан! Бер көнне – аракы, икенче көнне – сыра, ә минем турыда уйлап та караганы юк. Болай яшәп булмый, икенең берен сайла. Ник дәшмисең?
– Аракыны сайларга микән, сыраны микән дип уйлап утырам. * * * – Русия Федерациясенең бюджеты Португалиянеке хәтле генә дигән сүз дөрес микән ул?
– Дөрес.
– Португаллар, мескеннәр, ничек түзәләр икән?

Татарча видео
Җәмилә - Хельсинки - Казан (Helsinki - Qazan)	Булат Нигъмəтуллин — Ай җаныем, Фəрдəнə