Түбәдә яшәүче Карлсон Mezek - Татарча юмор | Татарский юмор

Оценка акций

Түбәдә яшәүче Карлсон

Түбәдә яшәүче Карлсон Бәләкәчне муенына атландырып һавада әллә ниткән хәтәр әйләнешләр ясагач җиргә төшеп утыра һәм, яулыгын чыгарып, муенын сөртә-сөртә:
– Уф, манма су булдым!
Бәләкәч:
– Син манма су булмадың, мин астыма пес иттем!

* * *

Бер әби күлдәвек эчендә утыра һәм кычкыра:
– Һай, югалттым! Хур булдым, югалттым!
Үтеп баручыларның берсе:
– Нәрсә югалттың, әби?
– Тигезлегемне югалттым!

* * *

Казармага килеп керсәм – җан әсәре дә юк. Кычкырам: “Кая китеп беттегез барыгыз да?” – дим. Дәшмиләр!

* * *

– Кызык та инде. Суд балаларымның өчесен дә иремдә калдырырга дигән карар чыгарды, ә аларның берсе дә аннан түгел.

* * *

– Беркөнне таң алдыннан кайтып кергәч ирем башыма чиләк каплады һәм аңа таяк белән шакылдатырга кереште. Шунда бу кеше белән яшәп булмаячагын аңладым...

* * *

– Иптәш майор, әгәр мин сезгә хайван дип әйтсәм, сез мине гауптвахтага ябар идегезме?
– Әлбәттә!
– Әгәр мин сезнең хакта эчтән генә хайван дип уйласам? Ул чагында сез мине нишләтәсез?
– Берни дә эшләтмим.
– Алайса, белеп торыгыз: мин сезнең хакта эчемнән генә хайван дип уйлыйм!

* * *

Хатыны – иренә:
– Менә бу фотодагы кешене күрәсеңме?
– Күрәм.
– Күрсәң, сәгать алтыда аны балалар бакчасыннан алып кайтырсың.

* * *

– Командировкадан кайтып керсәм – пычаклар кайралган, краннар төзәтелгән, хатын корсаклы.

* * *

Футболчы – дустына:
– Мин бүген ике гол керттем!
Дусты:
– Исәп нинди?
– 1:1...

Татарча видео
Асаф Вəлиев - Аерылмагыз	Ф.Таишев һәм Л.Нигъмәтҗанова - Кайтмаска диеп китәм