Әти! Кара нинди куркыныч маймыл утыра! Mezek - Татарча юмор | Татарский юмор

Оценка акций

Әти! Кара нинди куркыныч маймыл утыра!

Түләүле поликлиника врачы – авыруга:
– Бүгеннән башлап бер грамм аракы эчмәскә!
– Минем хәлләр шулай мөшкелмени?
– Юк. Сезгә миндә дәваланган өчен түләргә акча җыя башларга кирәк. * * * Ире – хатынына:
– Бүген пылавың нәкъ минем әнинеке кебек килеп чыккан.
– Ниһаять! Ниһаять, мин пешергән ризык та синең кадерле әниеңнеке кебек килеп чыккан көннәрне дә күрәсе бар икән!
– Әйе, минем әни аш-суга бик оста. Ул пешергән бөтен нәрсә ашап туймаслык. Әмма ул гомере буе бер нәрсәне – пылауны гына пешерергә өйрәнә алмады. Ничек кенә тырышып пешерсә дә авызга алмаслык була.* * * Ире шыр тиле дип санасын өчен хатын-кызга әйтеп аңлатып булмаслык зур акыл кирәк!* * * Ике үсмер музейда абстракт картина карап тора. Шунда берсе – икенчесенә:
– Сыпыртыйк яхшы чакта, без пычраткан дип гаеп тага күрмәсеннәр!* * * Александерплацка җиткәч Штирлиц игътибарны җәлеп итмәс өчен урам аркылы шуышып кына чыгарга карар бирде. * * * Балалар бакчасында тәрбияче:
– Балалар, армиядә сезнең әтиләрегез кем булып хезмәт итте?
Бер бала:
– Минем әтием танкист булган.
Икенчесе:
– Ә минеке артиллерист.
Өченчесе:
– Ә минеке электрик. Тәрбияче:
– Нишләптер, мондый төр гаскәрләр турында бер дә ишеткәнем юк.
– Мин үзем күрдем, аның фуражкасына ике яшен ясалган иде.* * * Зоопаркта:
– Әти! Кара нинди куркыныч маймыл утыра!
– Искә төшерүең яхшы булды әле, улым! Әниең төшке ашка соңга калмагыз дигән иде!

Татарча видео
«Мунча Ташы» — миниатюра «Студент» из 2 бүлек	Салават Фатхетдинов «Урсал тауда»