Сез хатыныгыз белән кайда таныштыгыз? Mezek - Татарча юмор | Татарский юмор

Оценка акций

Сез хатыныгыз белән кайда таныштыгыз?

Бер ир, йодрыкларын төйнәп, күршесенә:
– Син минем хатын белән йоклыйсыңмы?
– Юк, йокламыйм. Аның белән син йоклыйсың, ә мин керфек тә какмыйм.* * * Цирк гөмбәзе астында очучы гимнастлар очраша. Берсе – икенчесенә:
– Ник сикердең, хайван?! Хәзер син тотарга тиеш идең бит!* * * – Төрмәгә нәрсә өчен эләктең?
– Ришвәт алган өчен.
– Ә ник шулай тиз чыгардылар?
– Ришвәт бирдем.* * * Реанимациягә аркасына пычак кадалган кешене алып киләләр.
Врач:
– Авыртамы?
– Көлгән чакта гына. * * * Ире – хатынына:
– Нәрсә, бүген начальнигың келәмгә чакырган идемени?
– Әйе. Каян белдең?
– Аркаңда келәм сурәте эзе төшеп калган* * * Ишек ачыла һәм бүлмәгә хәрби киемнән бер егет йөгереп керә:
– Әти, исәнме!
Әтисе, компьютердан күзен алмыйча гына:
– Син кайда йөрдең?
– Ничек инде кайда? Армиядә хезмәт итеп кайттым бит!
– Икенче вакыт өйдән чыгып киткәндә кая киткәнеңне әйтеп йөрисе бул!* * * Тәбәнәк буйлы кесә карагы автобуста әвен кадәрле бер ирнең кесәсен кармалый.
Тегесе каракны якасыннан эләктереп алып акырып җибәрә:
– Син кемне таларга маташасың, хәерче тәре?!
– Кем хәерче, минме хәерче? Хәерче син ул: инде бишенче кесәңә кереп чыктым – ник бер тиен акча булсын!* * * – Сез хатыныгыз белән кайда таныштыгыз?
– Урам фонаре астында.
– Нәрсә, ул вакытта фонарьның лампочкасы янмый идемени?

Татарча видео
Айдар Галимов - Мин сагынмыйм яшьлегемне	Казан Егетләре - Саргайган мәхәббәт