Ике тычкан каймак салынган кувшинга төшә Mezek - Татарча юмор | Татарский юмор

Оценка акций

Ике тычкан каймак салынган кувшинга төшә

Ике тычкан каймак салынган кувшинга төшә. Берсе, язмышка буйсынып, батып үлә. Икенчесе бертуктаусыз тыпырчына торгач каймакны майга әверелдерә һәм, сикереп, иреккә чыга. Моннан нинди нәтиҗә ясыйбыз? Нәтиҗә шул: теге майны ашап бетергәндә хуҗабикә савыт төбендә ике түгел, бер генә тычкан үләксәсе күрә.

* * * Казан кешесе – башкалабызга килгән кунакка:
– Сез Казан кешесе түгелдер ахрысы?
– Каян белдегез?
– Йөзегез таныш түгел чөнки.

* * * – Поручик, безнең бу атлар нәрсә дип шулкадәр каты кешниләр анда?
– Аларга ишәк безнең хакта анекдотлар сөйли, шуннан көләләр.

* * * – Бабай, начарлыкка һәрвакыт яхшылык белән җавап бирергә кирәк, әйеме?
– Әйе, балам, бик дөрес әйтәсең.
– Алайса миңа туңдырма алып бир инде, чөнки мин, өстенә басып, күзлегеңне ваттым.

* * * Унҗиде ел рәттән һәр иртәдә этен йөртергә алып чыгарга гадәтләнгән бер ирнең дүрт аяклы дусты үлә. Менә ул иртәнге сәгать алтыда уяна һәм озак кына ах-ух килеп яткач, хатынының касыгына төртә.
– Хатын, минем белән йөрергә чыгып керәсең килмиме?

* * * Бер хатын ахирәтенә үзенең ире турында сөйли:
– Мин аны 20 дә очраттым, ә 23 тә ташлап киттем.
– Әйбәт булган. Өч сәгать вакыт аз түгел инде ул.

* * * – 200 метрлы тирәнлектә нәрсә оча ала?
– Су асты көймәсенә эләккән чебен.

* * * – Ишеттеңме, иртәгә “Рок – наркотикларга каршы!” дигән фестиваль башлана.
– Әһә! Аңладым... Бу “Умарта кортлары балга каршы!” дигән сымаграк килеп чыга инде, алайса.