Баш инженерны эшеннән азат итәм Mezek - Татарча юмор | Татарский юмор

Оценка акций

Баш инженерны эшеннән азат итәм

Гид Ниагара шарлавыгы янында исе китмәгән кыяфәттә басып торган туристка:
– Биредә һәр секунд саен миллионнарча литр су аска томырыла! Гаҗәп бит, әйеме?
– Юк. Әгәр ул су аска томырылмыйча һавага күтәрелсә – менә шул чагында, чыннан да, гаҗәп булыр иде.* * * Директор – секретарь кызга:
– Баш инженер миңа көн саен синең өстән зарлана: кыска итәк киеп йөри, шуның аркасында игътибарны эшкә юнәлтеп булмый ди. Мин моңа чик куярга тиеш. Шуңа күрә бүгенге көннән баш инженерны эшеннән азат итәм.* * * Офицерлар йортында барган танцы вакытында бер кыз:
– Ник бу генераллар лейтенант чакларында ук өйләнәләр икән!* * * Бер ханым паркта эскәмиягә утыра. Шул ук мизгелдә аның каршында бер сукбай пәйда була һәм күзен кыса.
– Китегез моннан! – дип кычкыра аңа теге ханым. – Мин сезгә урам хатыны түгел.
– Хы! Урам хатыны түгел, имеш. Ә үзе килә-килешкә минем караватка чүнкәйде!* * * Командир диңгез училищесы курсантына бәяләмә яза: “Стажировка нәтиҗәләреннән чыгып, аның нинди офицер булачагын билгеләп булмады, чөнки курсант диңгез авыруы аркасында походның башыннан ахырына кадәр урыннан торалмыйча чирләп ятты”.* * * – Байлыкка кем табына?
– Рухи яктан фәкыйрь кеше.* * * Лозунг: “Студентлар! Барлы-юклы белемнәребезне “яхшы” һәм “бик яхшы”га тапшырыйк!”* * * Бер хатын – ахирәтенә:
– “Ирең хыянәт итә”, дигән имзасыз хат алганнан бирле мин үз-үземә сорау бирәм.
– Кем белән хыянәт итә икән дипме?
– Юк, нәрсә белән икән дип.