Вәлигә кайнар сәлам Mezek - Татарча юмор | Татарский юмор

Оценка акций

Вәлигә кайнар сәлам

Әнисе манма су булган Вәлине орыша:
– Кайда батып кердең?!
– Без Гали белән эт булып уйнадык.
– Анысы нинди уен тагын? Аңламыйм.
– Гали эт иде, мин койма булдым. * * * – Нигә пошаманлыкка төштең?
– Йөз меңлекне ваклатмакчы идем.
– Соң?
– Аны кайдан табарга икән дип баш ватып утырам.* * * – Мине аяктан егарга бер рюмка аракы җитә.
– Шыттырма инде!
– Валлаһи. Җиденче яки сигезенче рюмканы җибәрүем була, тәгәрим дә китәм.* * * “Хатын-кыз булуыма да карамастан, ул минем белән үзен бик әдәпле тотты”.* * * Миллионер вафат булгач, нотариус туганнарына һәм дусларына аның васыятен укый. Иң ахырда мондый юллар: “Дустым Вәлигә васыять язганда сине дә онытмамын дип вәгъдә биргән идем. Шуңа күрә аңа кайнар сәлам тапшырам”.* * * Ирләргә бер киңәш: әгәр сез гел матур кызлар белән генә очрашырга телисез икән, кызларның бөтенесен дә матур дип санагыз.* * * Күз врачы яныннан чыккан бер әбигә икенче әби сорау бирә:
– Күзең ничек?
– Бөтен хәрефләрне дә әйтеп бирдем.
– Кит аннан! Ничек алай?
– Ә бинокль нәрсәгә?* * * Тол хатын шәһәрдән авылга күченеп кайта. Аның хәлен белергә энесе килә һәм ишек алдында бер тавык тирәсендә ун әтәч бөтерелеп йөрүен күреп, бик гаҗәпләнә.
– Моның нәрсәсе гаҗәп? – дип җавап бирә апасы. – Көтүнең никадәр авыр икәнен үземнән беләм...