Ә нәрсә соң ул секс? Mezek - Татарча юмор | Татарский юмор

Оценка акций

Ә нәрсә соң ул секс?

– Иртәгә абый өйләнә. Аптыраган, нәрсә бүләк итәргә дә белгән юк. Ул бүләк истә калырлык булсын иде...
– Тапкансың аптырар нәрсә! Истә дә калачак, бөтен кеше игътибар да итәчәк...
– Син нәрсәне күздә тотасың?
– Әгәр туйда яшьләр яки аларның ата-аналары арасында зур булмаган җәнҗал оештырсаң, бу шатлыклы көн аларның хәтеренә мәңгегә сеңеп калачак! * * * Официант, ачуын тыя алмыйча:
– Гражданнар, әгәр китерелгән ризык сезгә ошамый икән, нигә аның эчендә казынасыз? Аны сез казынганнан соң кем ашар дип беләсез? * * * Кибетнең бүлек мөдире – яңа гына эшли башлаган сатучы кызга:
– Менә бу өелеп яткан эшләпәләрне күптән чыгарып атарга вакыт. Аларның күптән модасы чыкты, шуңа күрә бер генә хатын-кыз да бу чүп-чарга игътибар итми.
Икенче көнне мөдир бүлеккә күз салса, үтмәс товарның эзе дә калмаган.
– Кая китте теге эшләпәләр?
– Мин аларны “нечкә зәвыклы хатын-кызлар өчен генә” дигән язу астындагы киштәгә урнаштырган идем. * * * Ире әбәт ашарга дип өенә кайтып керсә, өйнең асты-өскә килгән, ә авызына чүпрәк тутырылган хатыны урындыкка бәйләнгән хәлдә утыра. Ире бу хәлләрне күздән кичергәннән соң үкенү белән:
– Их, белмәдем, кафега кереп кенә капкалап чыгасы калган* * * Лабораториягә яңа гына техникум тәмамлаган яшь белгечне алып керәләр.
– Сез менә шушында эшләячәксез.
– Шәп!
– Бу сезнең эш өстәлегез.
– Шәп!
– Менә сезнең пробиркаларыгыз, реактивлар...
– Шәп!
– Сез “шәп” дигән сүздән кала тагын берәр сүз беләсезме?
– Секс.
– Ә нәрсә соң ул секс?
– Шәп!